„КОРЧАГИНСКА ПРОСВЕТИЛКА 2016“: Матурантите ги наградија своите професори (ФОТО)

Кога нешто ќе ви се случи еднаш, не мора да се случи два пати, но кога ќе ви се случи по втор пат – тогаш станува традиција.

Корчагинските матуранти традиционално по трет пат ги просветлија своите професори со „Корчагинска просветилка“ заблагодарувајќи им се на стекнатите знаења, вештини и способности во текот на своето четиригодишно образование. Признанијата за објективни, посветени, инспиративни, принципиелни, грижливи, авторитативни и многу други атрибути, професорите ги примија со емоции на радост.

<

►

>

Свечено пристигнување на гостите

Манифестацијата беше одржана во домот на АРМ , овозможена од министерот за одбрана на РМ г-дин Зоран Јолевски и шефот на неговиот кабинет Петре Велковски, а зад идејата и реализацијата стои Кариерниот центар на гимназијата со нивниот ментор, проф. Ацо Спасевски.

Точно во 20:30 минути матурантите симболично ја поздравија и акцијата „Часот на планетата Земја“ со едноминутно исклучување на светилките во салата и пуштање на видео спотот кој го обиколи светот.

Професорката Фросина Митрушева им возврати на матурантите со испишана порака „Корчагинци најдобри сте, респект!“