Fashion Group со забава, подароци и нови колекции ги отвори новите модерни продавници во East Gate Mall (ФОТО)

Вистински празник за љубителите на модата денеска се случува во продавниците на Fashion Group во East Gate Mall.

Точно во 10 часот започна шопинг авантурата на познатите личности, инфлуенсерите и лојалните купувачи од OKAIDI во присуство на Црвениот Крст на Град Скопје и нивните штитеници, потоа следеше сечење на лента во PARFOIS, брендот SPRINGFILED, TIMBERLAND, со музичка забава Fashion & Friends точно напладне, MANGO и новиот италијански бренд за мажите Dan JOHN.

– Секоја наша продавница е со нов модерен изглед според светски стандарди затоа претставува и предизвик за секој наш лојален купувач. Сите колекции се внимателно одбрани за да се задоволат вкусовите на модните „зависници“. Ги покануваме сите да бидат дел од нашите модни приказни, истакна Јордан Колевски, маркетинг менаџер во Fashion Group.

Посетителите имаат можност во продавницата на машкиот италијански бренд Dan John да уживаат во настапите на познати машки танчери во стилот на „Great Gatsby“, преку која ја претставија софистицираната колекција, проследено со многу изненадувања за новите купувачи.

– Еден од омилените брендови на жените MANGO овојпат со двојно засилување: машка и детска колекција. Ако се двоумевте каде да ги набавите сите парчиња облека во неутрални бои за најмалите, тогаш веруваме дека тоа ќе го сторите во детското катче во продавницата на Mango во East Gate Mall. Подеднакво возбудливо е пристигнувањето и на машката колекција со потпис на MANGO, како една од најсофистицираните во Европа изминатите неколку години. Со заокружување на сите три колекции на брендот, веројатно вашето семејство ќе биде постилско од кога и да е, додаде Колевски.

Fashion Group најавува отворање на 10-ти ноември продавница на уште еден познат светски бренд за шминки, KIKO MILANO.