Тони Андреев го одржа ветувањето – направи преработка на уште една песна од Тоше

Младиот пејач Тони Андреев го одржа ветувањето и ја продолжи традицијата за објавување преработки на песни од Тоше Проески секоја година.

Следна во низата за преработки се најде емотивната балада „Боже, чувај ја од зло“ која остави траен белег во регионалната музичка историја.

Преработката на песната ја направи Тони, заедно со својот бенд, додека за видеото се погрижи докажаниот продуцент Алек Тасевски.

-И оваа година се потрудив да ја одржам традицијата во чест на Тоше што трае веќе неколку години, ова е мојата четврта преработка и мило ми е што покрај сите обврски и настапи успеав да си го одржам ветувањето кое се надевам дека ќе трае секоја година. Тимот што победува не се менува, така да и овој пат на звукот работевме јас и мојот бенд, се разбира тука е и Алек Тасевски, мојот продуцент, кој што се потпишува на сите мои видео записи – вели младиот пејач.

Во продолжение слушнете ја преработката и погледнете го видеото:

https://www.youtube.com/watch?v=BZ4sq2vPPc4&feature=emb_title