Влатко Стефановски слави 50 години музичка магија со спектакуларен концерт во Филхармонијата!

По низата распродадени концерти низ Лондон, Виена, Осијек, Загреб и Белград, легендарниот Влатко Стефановски ќе ја заокружи својата 50-годишна музичка кариера со специјален јубилеен концерт во Македонската филхармонија на 9 мај во 20:00 часот!

Концертот ќе биде ретроспектива на неговата извонредна музичка кариера, од „Леб и сол“ до неговите соло проекти, збогатен со настапи на познати гости. Публиката ќе ужива во уникатен спој на инструментален рок, етно-џез, блуз и македонска традиционална музика.

Роден во Прилеп во 1957 година, Влатко Стефановски ја започна својата кариера како млад гитарист, стекнувајќи слава со „Леб и сол“, бенд кој маестрално ги спои македонската традиција и модерниот рок.

По распадот на бендот, Влатко продолжи како соло артист, истражувајќи џез, блуз, етно и акустична музика, соработувајќи со врвни светски музичари и издавајќи албуми кои оставија неизбришлива трага во музичката историја.

Добитник е на престижната награда „11 Октомври“ за животно дело и почесен докторат од Универзитетот „Св. Кирил и Методиј“, со што неговиот придонес во музиката е официјално потврден.

🎟️ Ова е концерт што не се пропушта!

Влатко Стефановски уште еднаш ќе докаже зошто е вистински мајстор на гитарата и музичката уметност. Спремете се за ноќ исполнета со емоции, музичка виртуозност и безвременски хитови!