„Златни години“: Концерт на Владо Јаневски во Македонска филхармонија

„Авалон продукција“ го најави првиот проект за сезоната есен – зима. Македонската музичка легенда Владо Јаневски ќе одржи концерт во Македонската филхармонија на 16-ти ноември.

Концертот е насловен „Златни години“, a Владо ќе ги изведе своите најголеми, вечни хитови и евергрини.

„Богатиот музички каталог на Владо Јаневски никогаш не бил отсвирен во полн состав на бенд во интимно издание, па така, на наше задоволство, го убедивме дека е време за интимна средба со неговата публика оваа есен, на многу адекватен простор кога е во прашање неговата музика – Македонска Филхармонија“, соопштуваат од „Авалон“.

Утре (среда – 13ти септември) со почеток во 9 часот наутро започнува продажбата на влезници за концертот. Влезниците ќе може да ги набавите онлајн на ticketx.mk и ширум продажната мрежа на ticketx по цена од 1.500 денари.