Музика
Ај Кју со нова песна „До тебе“ и спот снимен во Лондон
Бојан и Марија од Ај Кју по успешната преработка на „Молитва“ ни ја претставуваат нивната нова песна „До тебе“.
Музиката и текстот на песната се дело на Бојан Трајковски и Кристина Арнаудова, а за продукцијата и аранжманот се погрижи Роберт Билбилов.
„За одредени песни едноставно знаеш дека има нешто посебно и дека се поклопиле енергиите на сите вклучени во тимот, токму за оваа песна така се чувствувавме“ – изјавија тие.
Ај Кју спотот го снимија во Лондон, каде во последно време се поактивни на музички план со настапи и снимања, но најавија дека летово ќе имаат настапи и низ Македонија.
Песната е снимена во JustRBproduction.
