Марко Бошњак ќе ја претставува Хрватска на Евровизија

Марко Бошњак синоќа победи на 26-тото издание на Дора, хрватскиот избор за песна на Евровизија, со песната „Poison Cake“ и ќе ја претставува Хрватска во мај на Евровизија во швајцарскиот град Базел.

Марко Бошњак освои вкупно 130 поени, од кои 83 поени од жирито и 47 од гласовите на публиката.

Покрај четирите хрватски жирија од центрите на ХРТ во Загреб, Сплит, Риека и Осијек, годинава за победникот одлучуваа и четири меѓународни жирија од земјите-учеснички на Евровизија – Финска, Ерменија, Словенија и Шпанија.

View this post on Instagram

A post shared by Hrvatska radiotelevizija (@hrvatska_radiotelevizija)

Бошњак на сцената Дора ја изведе својата песна „Poison Cake“ со четворица танчери и многу светлосни ефекти.

Второто место го освои бендот Огењ со песната „Дај, дај“ кој освои вкупно 120 поени, додека третото место го зазеде песната „АаАаА“ на групата Магазин со 111 поени. Огењ доби најмногу гласови од публиката, додека Марко најмногу гласови од жирито.

View this post on Instagram

A post shared by Marko Bosnjak (@markobosnjaak)

Годинешната „Дора“ се одржа во спортската сала „Марино Цветковиќ“ во Опатија, а домаќини на натпреварот беа Барбара Колар и Душко Ќурлиќ.