Grace Jones го носи своето спектакуларно live show во Македонија!

Веројатно не постои светски артист на оваа планета (освен, се разбира, David Bowie) кој може толку аргументирано да изнесе толку многу различни и заслужени епитети како Grace Jones, една од најреволуционерните и најзначајни музички и уметнички појави на светот на сите времиња.

Некои од нив се: “Musical mastermind”, “Amazing Grace”, “Timeless”, “Art aristocrat”, “True diva”, “Goddess of Rhythm”, “Pop culture icon”, “Fashion Icon” “Vamp Woman”… а покрај сето тоа, таа е и Super Model и Movie Star.

Но, она што е најважно во моментов за нас е дека, пред се’, Grace Jones е “Master of stage”. Во тоа ќе се убедиме самите во Скопје.

Како што истакнуваат организаторите Grace Jones, заедно со нејзиниот многуброен бенд и спектакуларно 90 минутно show, ќе имаме можност да ја видиме на концерт во Скопје на 6 јули на стадионот на АРМ.

Сите информации околу влезниците ќе бидат објавени утре (30ти јануари – вторник) на социјалните мрежи на Авалон продукција.