Sevdaliza за грандиозно затворање на Skopje Calling 2024!

„Заедно со интернационалната музичка програма Telekom Electronic Beats, за официјално затворање на фестивалот Скопје Колинг и како втор, посебен фестивалски ден имавме голема желба да обезбедиме креативна, независна, авангардна артистка која e пред своето време“, велат организаторите.

Во духот на овогодинешното издание на Скопје Колинг, на кое, се разбира, главната позиција ја има, без никакво претерување легендарната и голема Grace Jones, како артистка позната по поместувањето на граници и креирањето на она кое ние денес го викаме, не само ,,поп култура”, туку и ,,суб култура”, беше повеќе од природно во рамки на официјалното “closing party” на фестивалот да настапи артистка која (како и Grace Jones со нејзиното појавување на сцената) ги поместува културолошките граници на 21 – от век со својата мулидимензионална уметност и навистина креативна и футуристичка визија.

Сиве овие погоре напишани епитети ги има токму SEVDALIZA!

Преку фузијата на електроника, трип – хоп, експериментален поп и алтернативен R&B, SEVDALIZA создава хипнотичка музика чиј главен фокус е индивидуалната и женска моќ.

Моментално актуелна на светските топ листи со синглот ,,Ride or Die Pt. 2”, Sevdaliza оваа сезона има и висока позиција во лајн – апите на многу од најголемите фестивалски сцени во Европа и светот.

Telekom Electronic Beats повеќе од 20 години ja поддржува електронската музичка сцена и интернационалната клубска култура, со што се наметна како централна платформа за иновативни музички настани, какви што впрочем се и самите концерти на Sevdaliza, oд аспект на аудио – визуелно искуство.

Не треба да чуди фактот што изборот оваа година е токму Sevdaliza, во живо со својот бенд, премиерно во Скопје, при настанот TELEKOM ELECTRONIC BEATS presents: А DEEPER UNDERGROUND CLOSING PARTY на SKOPJE CALLING 2024, на 7 јули на Стадион на АРМ!

Влезниците ќе бидат во продажба од среда (29 мај) во 09 часот наутро онлајн на ticketx.mk и во продажната мрежа на ticketx низ Македонија по следните цени и категории:
1.500 денари – партер
2.000 денари – фан пит