Полицијата објави снимки од Алек Болдвин и инцидентот со пукање на сетот (ВИДЕО)

Полицијата објави снимка од сетот на филмот „Rust“ пред и откако беше застрелана Халина Хачинс. Шерифот на полицијата од Санта Фе, Адан Мендоза, исто така објави фотографии од местото на злосторството и интервјуа со сведоци, меѓу кои и Болдвин. Но, полицијата вели дека одлуката дали да се поднесе кривична пријава ќе зависи од исходот од идната форензичка анализа.

42-годишната Халина Хачинс била застрелана од Алек Болдвин додека тој вежбал со она што тој верувал дека е безбеден пиштол.

На снимката се гледаат моменти пред и по нејзината смрт. Во една од нив, Болдвин вежба влечење на чкрапалото на пиштолот. Може да се види и како полицијата и лекарите пристигнуваат на местото на трагедијата.

Болдвин е прикажан и како седи во импровизирана црква откако ја застрелал кинематографката. Потоа бил сослушан во полиција за инцидентот. Тој негираше дека го повлекол чкрапалото и додаде дека не знаел дека во пиштолот имало вистински куршум.

– Слушнав силен тресок. Ми се чинеше дека некој ме удри во рамо, а потоа паднав. Ја видов Халина како ѝ тече крв по грбот – изјави режисерот Џоел Соуза во болницата.

Утврдено е дека Хана Гутиерез Рид била задолжена да се грижи за оружјето што се користело на снимањето. Таа го тужела добавувачот затоа што смета дека е доставена неправилно означена кутија со муниција.

Минатата недела продукциската куќа која работеше на филмот „Rust“ беше казнета со 139.793 долари поради безбедносни пропусти на сетот.