НОВ ЛЕТЕН ХИТ: Лила Филиповска и Филип Пешевски ја промовираа „Тешко мене со тебе“ (ВИДЕО)

Во присуство на голем број познати личности од естрадата и новинари, во стилот на холивудските гламурозни настани, познатата македонска водителка Лила Филиповска го промовираше дуетот со младиот пејач Филип Пешевски, насловен „Тешко мене со тебе“.

Промоцијата се одржа во елитниот скопски локал „Ми каса“, а настанот беше придружен со голем огномет, балони и специјални ефекти.

Пешевски се јавува и како автор на музиката и текстот, а аранжманот е на Роберт Билбилов.

Видео спотот е во режија на „Томато продукција, а продуцент е Зоран Василевски – Зоки Фаци.

На Лила не ѝ е прво појавување како пејачка. Таа пред неколку години имаше и своја песна, но овојпат се јавува во улога на гостинка во спотот и го пее рефренот заедно со Филип.

На промоцијата имаше посебен дрес код- на гостите им беше назначено да носат облека во црна и златна боја.