Бред Пит во интервју за „GQ“: Актерот откри досега непознати детали од приватниот живот и најави крај на кариерата

Бред Пит во своето последно интервју зборуваше за својата кариера и здравје, а се осврна и на животните промени по разводот со Анџелина Џоли.

Бред Пит ја краси јулската/августовска насловна страница на магазинот „GQ“ и во интервјуто зборуваше за промената на животниот стил по разводот во 2016 година со сопругата Анџелина Џоли (47).

Бред го прифатил животот во апстиненција и истакна дека секој во одреден момент од животот чувствува емоционална болка и дека тагата е неизбежен дел од растењето и созревањето.

View this post on Instagram

A post shared by GQ (@gq)

-Мислам дека сите наши срца се скршени. Се чувствував осамено во животот кога растев, но и подоцна. Дури неодамна ја почувствував прегратката на моето семејство и пријателите – изјави Бред Пит за магазинот, додавајќи дека го изгубил тоа чувство за осаменост кога во 2016 година одлучил да се откаже од алкохолот.

View this post on Instagram

A post shared by GQ (@gq)

Цели 18 месеци, тој редовно присуствувал на собирите на анонимни алкохоличари, каде што чувствувал припадност и блискост со другите луѓе. Долгогодишниот пушач, Пит тогаш решил да се откаже и од цигарите, кои ги заменил со никотинска гума за џвакање.

-Јас ја немам таа способност да запалам една или две, целосно се предавам – објасни тој.

Инаку, еден од најпосакуваните актери на денешницата ја згрози јавноста со фотографиите кои го придружуваа големото интервју бидејќи на нив изгледа како мртовец.

View this post on Instagram

A post shared by GQ (@gq)

Изгледа дека се ближи крајот на уште една спектакуларна холивудска кариера. Во интервјуто за GQ, Бред Пит најави дека филмот „Bullet Train“ во кој ја игра главната улога многу лесно може да биде неговиот последен голем проект.

Вели дека станал многу пребирлив кога се во прашање понудите, а тоа што го добил досега не ги задоволува неговите критериуми.

– Мислам дека сум во последниот семестар или квартал. Време е за долг одмор – откри Пит.