Шоубиз
Дефинитивно е крај! Љубовта на познатата холивудска двојка беше пример за многумина, а сега тие раскинаа по 8 години врска
Актерката Дакота Џонсон и музичарот Крис Мартин се разделија, со што ја завршија својата врска, која траеше речиси осум години, потврдија повеќе извори за магазинот People.
„Овој пат се чувствува како навистина да е завршено“, рече еден извор за раскинувањето. Претставници на славната двојка не одговориле на барањата за коментар.
Познатата филмска ѕвезда Дакота (35), и фронтменот на бендот „Колдплеј“, Крис (48), кои првпат беа романтично поврзани во 2017 година, последен пат беа видени заедно пред две недели во Малибу на 16 мај. Пред тоа, во јануари, се држеа за раце во Индија, каде што Мартин беше на турнеја со својот бенд.
Но, актерката алудираше на наводната раскинување во нејзиното последно интервју за „Лос Анџелес Тајмс“ објавено минатата недела.
Кога ја прашале што ја прави улогата во нејзиниот нов филм, „The Materialists“, посебна, Џонсон рекла: „Сложеноста на сите ликови. Парадоксот. Секој е збунет околу тоа што да прави со своите срца и кој е вистинскиот потег. Тоа беше многу искрено и потполно препознатливо.“
Џонсон и Мартин наводно накратко раскинале во јуни 2019 година, но ги поттикнаа гласините за свршувачка уште во декември истата година.
Потоа, во март 2024 година, извор рекол дека всушност биле верени шест години, додека друг извор објаснил дека „не брзаат да се венчаат“. Гласините за раскинување повторно се појавија во август, но претставникот на Џонсон се обиде да ги смири, велејќи дека се „среќни заедно“.
Потоа актерката реши да стави крај на шпекулациите и го покажа својот смарагден веренички прстен на папараците. Во исто време, изворот призна дека двојката имала проблеми и правела паузи во минатото бидејќи двајцата ги сакаат своите кариери и се трудат најдобро што можат да ги избалансираат работите.
