Шоубиз
Доналд Трамп и Меланија слават 20-годишнина од бракот: Како првата дама изгледаше во венчаница
Американскиот претседател Доналд Трамп и првата дама Меланија слават 20 години брак. Тие се венчаа во 2005 година, по седум години врска, а Меланија носеше венчаница од Диор од 100 илјади долари, која ја украси со дијамантски ѓердан.
„Среќна 20-годишнина, Меланија“, напиша Трамп во описот на нивната свадбена фотографија.
Однесувањето на парот во текот на претходните денови и церемониите на инаугурацијата беше во центарот на вниманието, а тие заедно танцуваа на балот на врховниот командант на песната „The Battle Hymn of the Republic“.
Доналд и Меланија почнаа да се забавуваат во 1998 година, а нивниот брак го привлече вниманието на јавноста ширум светот. Тие се запознале на забава организирана од модниот агент Паоло Замполи за време на модната недела во Њујорк. Но, Доналд таа вечер бил со друга жена.
За првиот состанок на парот, Трамп ја одвел Меланија на вечера, а потоа во познатиот клуб Мумба, кој не прифаќал никој што не бил познат или со некој познат. Еден месец подоцна Трамп ја однел Меланија со својот приватен авион на викенд одмор во Палм Бич. Тие престојувале, се разбира, во Мар-а-Лаго, величествениот имот на Трамп.
Трамп во април 2004 година ја запроси Меланија со дијамантски прстен од 12 карати вреден неверојатни 2 милиони долари, а таа рече „да“ веднаш штом тој го извадил, иако подоцна на медиумите им призна дека запросувањето ја изненадило.
Тие се венчаа во 2005 година во Палм Бич и го добија својот син Барон во март 2006 година.
