Џастин Бибер го поддржа Израел, а објави фотографија од разурнатата Газа

Пејачот Џастин Бибер се најде во центарот на контроверзноста на социјалните мрежи откако на својот Инстаграм профил објави порака за поддршка на Израел, со фотографија од рушевини во Газа.

Објавата, која гласеше „Молете се за Израел“, наиде на критики и од неговите обожаватели и од пошироката јавност. Пораката на Бибер дојде во време на ескалација на насилството во регионот, при што станбените згради, пазарите и џамиите во Газа беа цел по нападите на Хамас на израелска територија.

Објавата на канадскиот пејач брзо привлече внимание, но не онаква каква што очекуваше. За еден час Бибер ја избриша оригиналната објава и повторно ја сподели пораката со истиот текст, но без контроверзната фотографија. Тој претходно објави приказна на Инстаграм во која ја изрази својата намера да остане неутрален среде конфликтот.

Justin Bieber deletes and reposts ‘Praying For Israel’ story after the original post he shared had the words over a photo of destruction in Gaza. pic.twitter.com/5yHoXC8Ilr

— Pop Base (@PopBase) October 11, 2023

Критиките беа многубројни на социјалните мрежи, а корисниците се сомневаа во разбирањето на ситуацијата од страна на Бибер. Еден корисник на X го изрази своето разочарување, велејќи: „Само срамно. Ако не знаете што зборувате, тогаш воопшто не зборувајте“. Друг го критикуваше Бибер, нарекувајќи го „луд“ затоа што користел фотографија од уништената Газа додека вели „моли се за Израел“.

Овој инцидент не беше прв од ваков вид бидејќи слична грешка направи и оскаровката Џејми Ли Кертис која на Инстаграм објави слика од деца од Газа со натпис „Терор од небо“ и израелско знаме. Кертис ја избриша објавата откако следбениците и укажаа на грешката.

???? American actress Jamie Lee Curtis posted this picture because she thought they were Israeli children.

As soon as she learned they were Palestinian, she deleted the post. pic.twitter.com/Kd0lpN9lW2

— Jackson Hinkle ?? (@jacksonhinklle) October 11, 2023