Шоубиз

Хајди Клум и оваа година имаше најоригинална маска за Ноќта на вештерките: Манекенката се трансформираше во дождовен црв

Од

Објавено на ноември 1, 2022

Хајди Клум, веројатно најпознатата германска манекенка на сите времиња, одамна ѝ е позната на јавноста не само по совршеното тело и кариерата како ангел на „Victoria’s Secret“, туку и по страста кон костимите за Ноќта на вештерките. Имено, убавицата секоја година организира посебна забава за Ноќта на вештерките, а од година во година дава се од себе да воодушеви со своите иновативни изданија.

Оваа година се надмина себеси – и се појави во изглед кој ги згрози сите присутни. Хајди се претвори во црв со човечки димензии, кој изгледаше хиперреалистично и беше доста вознемирувачка глетка на црвениот тепих. Нејзиниот сопруг Том Каулиц се претвори во рибар кој ја имаше „фатено“ на неговата јадица.

Кога се појави така облечена, сите останаа без зборови од шок, а подоцна таа се пофали на Инстаграм со низа објави во кои откри како нејзиниот бизарен костим оваа година се создавал со месеци со помош на експерти за филмска костимографија и специјални ефекти.

View this post on Instagram
A post shared by Heidi Klum (@heidiklum)

-Се обидов да размислувам надвор од кутијата и да смислам нешто поинакво. Минатата година си помислив дека би било интересно да се маскирам во дрво или растение, и потоа одеднаш помислив да се маскирам во дождовен црв – изјави Хајди, на која и требаа 10 часа подготовка за да ја облече оваа маска.

View this post on Instagram
A post shared by Entertainment Tonight (@entertainmenttonight)

-Би рекла дека ова е еден од моите најдобри костими, бидејќи е огромен и толку необичен. Тешко ми е да се движам во него, бидејќи немам ни раце ни нозе, а не можам сам да станам ни од стол. Чувството е клаустрофобично, но вредеше ако ги изненадам луѓето – додала манекенката.