Ким Кардашијан има ново момче? Поминува доста време со една НФЛ ѕвезда

Ријалити ѕвездата Ким Кардашијан (42) поминува се повеќе време со НФЛ играчот Одел Бекам (30), пренесува People.

Извор близок до Ким раскажал како таа и Бекам почнале да се забавуваат и како во последните денови го поминуваат времето заедно, пишуваат странските медиуми.

– Ким и Одел моментално се пријатели и имаат многу заеднички пријатели – објаснил изворот.

Тој додаде дека тие не се во официјална врска и дека Ким се уште е сингл.

Бекам, попознат по прекарот ОБЈ, е играч во Националната фудбалска лига, а неодамна ја прекина долгогодишната врска со манекенката Лорен Вуд, со која има син.

Да потсетиме дека Ким Кардашијан беше во брак со раперот Канје Вест и заедно имаат четири деца. Потоа имаше кратка врска од неколку месеци со комичарот Пит Дејвидсон, кој беше 13 години помлад од неа.