Крај на една ера: Донатела ја напушта позицијата креативен директор во модната куќа Версаче

Донатела Версаче, помладата сестра на основачот Џани Версаче и жената која ја презеде компанијата по неговото убиство во 1997 година, ја напушта функцијата креативен директор на брендот Версаче по речиси 3 децении.

Според Њујорк Тајмс, Донатела ќе стане главен амбасадор на брендот, што ќе биде почесна улога која вклучува филантропија и појавување на црвениот тепих. Дарио Витале, поранешен директор за дизајн и слика во Miu Miu, е именуван за нов креативен директор на брендот.

Во соопштението за јавноста, Џон Д. Идол, главниот извешен директор на Капри Холдингс, кој го поседува  Версаче, како и брендовите Мајкл Корс и Џими Чу, ја нарече одлуката „дел од однапред договорен и многу намерен план“.

View this post on Instagram

A post shared by Versace (@versace)

Версаче е луксузен италијански моден бренд основан во 1978 година од Џани Версаче во Милано. Тој брзо се истакна по својот гламурозен, храбар и препознатлив стил кој комбинира елементи на класичната уметност со модерен и провокативен дизајн. По трагичното убиство на Џани во 1997 година, креативниот правец го презеде неговата сестра Донатела Версаче.

Под Донатела, брендот неодамна се спротивстави на актуелните трендови на тивок луксуз и минимализам со бомбастичната соработка со Ким Џонс, пастелната колекција на Дуа Липа и гламурозните кампањи со актери како Силијан Марфи и Ен Хатавеј.

View this post on Instagram

A post shared by Donatella Versace (@donatella_versace)

Иако Версаче до самиот крај беше блескав и позлатен со барокни мотиви, како што видовме во последната колекција на Донатела за брендот, се чини дека тоа не беше доволно за опстанок во оваа позиција. Се чини дека наскоро ќе видиме многу поразличен Версаче од оној на кој сме навикнати.