Шоубиз

Килијан Марфи е новото лице на Версаче

Од

Објавено на март 15, 2024

Версаче ја лансира линијата Icons за мажи и за свое заштитно лице го обезбеди моментално еден од најпопуларните мажи, Килијан Марфи.

Откако ги освои овогодинешните награди со улогата во Опенхајмер, сега тргнува да го освои светот на модата. Килијан Марфи ја доби статуетката за најдобар актер на овогодинешните Оскари, а на сите фотографии од наградата позираше во смокинг од Версаче. Неговиот стајлинг беше најава за она што следува.

Имено, Килијан стана заштитно лице на еден од најпрестижните модни брендови во светот – Версаче. Неговото достигнување го претстави Донатела Версаче која е креативен директор на модната куќа .

View this post on Instagram
A post shared by Donatella Versace (@donatella_versace)

„Возбудена сум што Килијан му се придружува на семејството Версаче“, вели Донатела Версаче во изјавата. „Тој е навистина исклучителен актер и целосно го заслужува својот Оскар. Тој е магнетен и хипнотизирачки пред камера и ми се допадна да го гледам како го оживува Версаче“.

Ова е прво бренд партнерство за Марфи, а глобалната кампања „Versace Icons“ во која тие ќе го претстават најдоброто од луксузната машка мода започнува на 3 април годинава.