Шоубиз

Меган Маркл со емотивна објава за смртта на своето куче Гај

Од

Објавено на јануари 8, 2025

Меган Маркл ја објави тажната вест која го потресе нивното семејство. Војвотката од Сасекс ја објави смртта на своето куче Гај, на кое му посвети многу емотивна објава на Инстаграм.

На снимките и фотографиите се гледа миленикот на Меган во различни прилики со неа, но и со Хари и нивните деца, петгодишниот Арчи и тригодишната Лилибет.

“Во 2015 година посвоив бигл. Тој беше во засолниште во Кентаки и рекоа дека има само уште неколку дена живот. Веднаш се заљубив во него. Ако порано сте ме следеле на Инстаграм, сте виделе дека Гај беше со мене за време на ‘Suits’, кога се верив (а потоа се омажив), кога станав мајка… Тој беше тука за мене во тишината и во хаосот“, напиша војвотката.

View this post on Instagram
A post shared by Meghan, Duchess of Sussex (@meghan)

Меган додаде и дека нивниот бигл доживеал тешка несреќа пред да се преселат во Велика Британија и му се заблагодари на ветеринарот кој му го спасил животот.

„Тој имаше страшна несреќа непосредно пред да се преселам во Велика Британија. Поради тоа имаше операции неколку месеци, а во еден момент лекарите ми рекоа дека Гај никогаш повеќе нема да оди. Но, ветеринарот Ноел Фицпатрик рече дека ќе закрепне. Јас и Хари возевме секоја вечер да го видиме Гај додека се опоравуваше, засекогаш ќе му бидам благодарна на Ноел и неговиот тим“, рече Меган која е видно уништена од оваа загуба.

Таа откри и дека нејзиниот починат миленик се појавува во новата серија „With Love, Meghan“, која пристигнува на Нетфликс на 15 јануари.

„Бидејќи ќе го видите Гај и во мојата нова серија, се надевам дека ќе разберете зошто сум толку уништена од оваа загуба. И мислам дека и вие малку ќе се заљубите во него” – заклучи Меган.

Инаку, „With Love, Meghan“ е кулинарско и лајфстај шоу, продуцирано и водено од Меган Маркл.

Ќе ја следиме војвотката од Сасекс во кујната и градината додека споделува некои од нејзините омилени совети и трикови за готвење, градинарство и изработка. Шоуто е снимано во Монтесито и ќе има вкупно осум епизоди, во кои ќе гостуваат разни холивудски ѕвезди, познати кулинарски мајстори како и пријатели на Меган. Меѓу гостите се познатите готвачи Рој Чои и Алис Вотерс и актерката Минди Калинг.