Нов тренд кај познатите личности: За 250 илјади долари ќе патуваат во вселената

Овој тренд го започна милијардерот Ричард Брансон (70), кој беше првиот милијардер кој замина во вселената, а најбогатиот човек на светот, Џеф Безос (57) на 20 јули исто така ќе полета со ракетата на својата компанија „Блу Ориџин“.

Повеќе од 600 лица веќе купиле карти за летот кој трае 90 минути и изнесува 250.000 долари, а помеѓу нив се и многу познати личности.

На тој список се наоѓаат Леонардо ди Каприо, Ријана, Џастин Бибер, Том Хенкс, Бред Пит, Анџелина Џоли, Кејт Винслет, Ештон Качер… Нивните мотиви се различни, некои тоа го сакаат затоа што можат да си го дозволат, додека на другите ова патување им било сон од детството.