Шоубиз
Почина актерката Мишел Трахтенберг, ѕвездата на „Gossip Girl“: Колегите од серијата се простија со емотивни објави
Веста за ненадејната смрт на Мишел Трахтенберг го потресе Холивуд. Американската актерка, најпозната по улогата на Џорџина Спаркс во серијата „Gossip Girl“, почина на само 39-годишна возраст од природна смрт, најверојатно од компликации по трансплантација на црн дроб.
Извори блиски до актерката потврдија за американските медиуми дека Мишел неодамна била подложена на трансплантација откако со години се борела со зависноста од алкохол. ABC News пишува дека е можно причината за смртта да е поврзана со компликации по операцијата, а полицијата потврдила дека се работи за природна смрт.
Телото на актерката го пронашла нејзината мајка.
Многу познати имиња се простија од актерката која прерано почина на социјалните мрежи, а едно од нив е Блејк Лајвли, која објави нивна заедничка фотографија од сетот на „Gossip Girl“ заедно со многу трогателен опис.
„Ова беше првиот ден кога ја запознав Мишел“, напишала Лајвли во описот на фотографијата. „Кога Мишел ќе влезеше во собата, ќе го знаевте тоа затоа што енергијата ќе се промени. Сè што правеше, правеше 200 проценти. Од срце ќе се смееше на нечија шега, ќе се спротивстави на авторитетот ако чувствуваше дека нешто не е во ред, длабоко се грижеше за нејзината работа, беше горда што е дел од оваа заедница и индустрија која може да биде болна понекогаш, беше жестоко лојална на нејзините пријатели и храбра за оние што ги сакаше, беше голема и храбра и изразито сама“, напиша Лајвли, потсетувајќи како Мишел секогаш носела сјај за усни со вкус на карамела на снимањето – мал чин на љубезност кон нејзините колешки.
Таа го спомна и фактот дека со текот на времето изгубиле контакт. „Времето минува. Земаш здраво за готово дека повторно ќе се видиш со стара пријателка. Да парафразирам, вистинските трагедии во животот се оние што ќе те погодат ненадејно, во обичен ден. Чувајте ги оние што ги сакате блиску. Светот изгуби исклучително чувствителна и добра личност. Нека нејзината работа и нејзиното големо срце ги паметат оние кои имаа среќа да го почувствуваат нејзиниот оган“, напиша таа во својата објава на Инстаграм.
Но, Блејк не е единствениот член на актерската екипа на „Gossip Girl“ кој и оддаде почит на Мишел. Истото го направија и Ед Вествик, 37-годишниот актер кој го играше Чак Бас во серијата и Чејс Крафорд, на сите познат по улогата на Нејт Арчибалд.
Вествик ѝ оддаде почит на својот инстаграм-профил. Во својата приказна на Инстаграм, британскиот актер напиша: „Тажно е што ја слушнав веста за смртта на Мишел Трактенберг, испраќам молитви“, заедно со емотикон со бело срце.
“Мишел беше единствена. Се сеќавам кога првпат дојде на сетот и едноставно целосно го освои. Беше вистинска сила на природата, неверојатно забавна и магнетна, едноставно неописливо шармантна. Се сеќавам на тие години со широка насмевка. Ова е голема загуба. Те сакам”, напиша Чејс под заедничката фотографија.
