Снимка од SNL каде Пит го исмејува Канје стана вирална (ВИДЕО)

Иако Ким Кардашијан (41) е категорична дека на бракот е ставена точка, Канје Вест (44) не се откажува од нивната љубов. Откако и испрати автомобил полн со рози за Денот на вљубените, на интернет почна да кружи видео на кое новото момче на Ким, Пит Дејвидсон (28) го прозива раперот.

Снимката од SNL е од 2018 година, а уште тогаш познатиот комичар го коментираше однесувањето на Вест, по некои негови тогашни јавни испади.

-Колку треба да бидеш лош во политиката за да забележам дури и јас – рече Пит, кој потоа продолжи да го коментира менталното здравје на Канје.

-Вели дека е тој и не пие лекови. Пијте лекови. И јас ги пијам, супер се. Ако се качам во авион и пилотот вика „ова сум вистинскиот јас“, би скокнал од тој авион. Менталната болест не е изговор да се биде кретен – изјави Пит.

И за крај, комичарот стави капа инспирирана од претседателската кампања на Доналд Трамп (75), кого Вест своевремено го поддржуваше.

Снимката деновиве стана вирална, особено со оглед на „испадите“ на Канје преку Инстаграм за врската меѓу Кардашијан и комичарот. Овој ден на вљубените Канје и испрати на својата поранешна сопруга автомобил полн со рози со надеж дека ќе се смират.