Трета среќа – се омажи Ева Лонгорија

Мексиканските медиуми пренесуваат дека Ева Лонгорија и нејзиниот избраник Хосе Антонио Бастон се венчале во градот Ваља де Браво у Мексико. Венчавката е одржана на приватен имот, а на свадбата присуствувале околу 200 гости.

Извор близок на двојката, за „Пипл“ магазинот откри дека меѓу гостите биле и Дејвид и Викторија Бекам, Пенелопе Круз, Рики Мартин, Кејти Пери, Марио Лопез и многу други познати личности.

Ева Лонгорија и нејзиниот нов сопруг Хосе Антонио Бастон во врска се од ноември 2013 година.

Бастон е сопственик на латиноамериканската компанија „Телевиса“ која е најголема мексиканска компанија за производство на телевизиска, радио, музичка, театарска и интернет програма и објавување публикации на шпански јазик.

Бастон ја побара 41-годишната актерка за сопруга во текот на летувањето во Дубаи.

Лонгорија за нејзиот нов сопруг претходно зброуваше за „Пипл“ магазин.

– Тој беше најубавиот маж кој некогаш сум видела. Толку многу е харизматичен, шармантен, сладок и смешен, објасни ѕвездата на серијата „Очајни домаќинки“.

На актерката ова и е трет брак. Претходно беше венчана со колегата Тајлор Кристофер и НБА ѕвездата, Тони Паркер.