Уште еден одличен настап на нашата Антониа во „Пинк ѕвездички“ (ВИДЕО)

Антониа од Скопје со уште еден прекрасен настап во “Ѕвездичките на Пинк”. Во најновата емисија, таа ја отпеа “Suze za kraj” и повторно доби одлични коментари од сите во комисијата, пренесува ТВ Пакет.

За Хари Мата Хари, нејзината изведба беше чиста десетка, најдобра, кажано кратко и јасно. Дека песната е скроена за неа потврди и специјалниот гостин на жирито, Марија Седар, ланската победничка, која го пофали пеењето на Антониа во високите и ниските тонови.

– Има неколку од вас, девојчиња, кои сте вистински колешки на Марија Седар. Тоа е тој тип на пејачки кои песните ги пејат со леснотија во гласот, сосема природно и кристално јасно ги пеете висините. Ти си меѓу првите три четири најдобри девојчиња во оваа сезона, талентот кој го имаш е нешто кое може само некој одозгора да ти го подари.

Емисијата во целост ќе ја гледате во понеделник во 21.30 на Сител, а пак вечерва во “Еден на еден”, гостинки на Жаре ќе му бидат нашите ученсички во шоуто и потенцијални победнички, Антониа и Мартија.