ВЕЧЕРВА „Д ПРОДИЏИ“ ВО ОХРИД: Завршува првото издание на фестивалот „Охрид колинг“

По синоќешниот настап на светски познатиот џез-гитарист Ал Ди Меола пред целосно исполнетиот Антички театар во Охрид, вечер концерт ќе одржи Државниот камерен оркестар „Академија за солисти“ од Казахстан.

На стадионот на СРЦ „Билјанини извори“ вечерва ќе се одржи и долго очекуваниот спектакл – концертот на светската атракција групата „Д Продиџи“, со што ќе биде заокружено првото издание на фестивалот „Охрид колинг“.

Пред концертот кој ќе го одржат во Охрид, „Д Продиџи“ објавија порака со сочувство до семејствата на загинатите во поплавите во Македонија и најавија донација.