Во февруари нов албум на Елтон Џон

Елтон Џон најави нов албум во 2016 година. Неговите агенти денеска објавија дека неговиот 33. студиски албум „Wonderful Crazy Night“ ќе излезе на 5. февруари следната година, а првиот сингл „Looking Up“ од денеска е достапен.

Новиот албум е продуциран од Џон и Ти-Боун Барнет, кој соработуваше со 68-годишниот британски музичар и на албумот „The Diving Board“ од 2013 година.

Текстовите на песните се на Берни Топин, со кој Џон соработува речиси пет децении.

Елтон Џон е еден од британските најуспешни и најдолговечни музичари, а последните години активно е ангажиран во борбата за правата на хомосексуалците. Од кралицата Елизабета Втора во 1998 година доби благородничка титула за придонес во поп музиката и во борбата против СИДА-та.