Во сабота голем Мото Фестивал на врвот на катната гаража „Македонска фаланга“

Фотографијата е преземена од Вистина.мк

Мото клубот „Ноќни Волци Македонија“ и оваа година организира Мото Фестивал и Тату конвенција кои ќе се одржат на 13-ти јуни (сабота) во Скопје.

На 13-ти јуни организирана е целодневна програма исполнета со тетовирање, мото игри, егзибиции, награди, мото дефиле, а за добрата атмосфера ќе се погрижат бендовите „The Backdoor Band“ и „SouthPark“.

Тату конвенцијата започнува од 12 часот, а ќе трае до 20.00 кога официјално започнува мото фестот.

Настанот ќе се одржи на врвот на катната гаража „Македонска фаланга“, влезот ќе чини симболични 100 денари, а цената на секој пијалок ќе биде по цена од 50 денари.

Ноќните Волци ве канат на голема забава!