ЗАВРШИ ВИНО СКОП: „Кучка неверна“ и Куку Леле собраа најмногу посетители (ФОТО)

Синоќа на плоштадот Мајка Тереза заврши десеттиот јубилеен Вино Скоп во нашиот главен град.

Организаторите велат дека фестивалот поминал во најдобар ред и ги срушил рекордите на посетеност и испиено вино, а како причина за големата актуелност беше музичкиот дел каде во тие четири вечери имаше музика за сечиј вкус.

На сцената настапуваа легендарниот Мики Јовановски – Џафер, Јаков Дренковски, Владо Јаневски и уште неколку други.

Најпосетен беше настапот во саботата кога на сцената настапи познатото дуо „Куку Леле“. Се претпоставува дека во саботата на нивниот настап имало околу 12.000 посетители.

– Публиката нам ни пееше повеќе, отколку ние на нив – накусо изјави Роберт Саздов.

Инаку настапот на „Куку Леле“ се снимаше со повеке камери и по се изгледа од истиот материјал ќе се прави видеоспот за „Кучка неверна“, песна со која Роберт и Панки започнаа заедничка кариера.