Картичка со 150 евра за сите млади во Грција кои ќе се вакцинираат против коронавирусот

Нашиот јужен сосед ќе им даде картичка со вредност од 150 евра на сите млади во Грција кои ќе примат вакција против коронавирус.

Како што објавија грчките медиуми, ова се однесува на скоро 940.000 млади луѓе во земјата на возраст од 18 до 25 години.

Целта е 60 отсто од грчките 11 милиони жители да бидат вакцинирани до крајот на јули.

Под називот „карта на слободата“, износот се доделува како благодарност до младите луѓе кои биле трпеливи и се држеле настрана од гужви за време на пандемијата, во обид да го спречат преносот на вирусот.

Парите можат да се користат за хотелски резервации, билети за траект, авионски билети, посети на музеи и концерти.