Вакцините на „Фајзер“ и „Астразенека“ генерално ефикасни против индиската мутација на коронавирусот

Вакцините на „Фајзер“ и „АстраЗенека“ се генерално ефикасни против индиската варијанта на коронавирусот, велат последните научни истражувања.

Според Универзитетот во Оксфорд, голема е способноста на антителата во крвта на луѓето кои ги примиле обете дози на вакцината да ги неутрализираат високоинфективните варијанти делта и капа.

– „Нема докази за голем имунолошки бег на вирусот, што сугерира дека сегашната генерација на вакцини ќе обезбеди заштита од вирусните варијанти B.1.617“, се наведува во студијата. Ова се варијантите делта и капа, кои за првпат се идентификувани во Индија.

Но, концентрацијата на неутрализирачки антитела во крвта била малку помала, што може да доведе до бројни инфекции, предупредуваат научниците.

– „Б117 може да биде кандидат за вакцини против новите варијанти за да се обезбеди најширока можна заштита“, сметаат научниците.