fbpx
Поврзи се со нас
Маркетинг

Популарно.мк

Најмалку 13 загинати и 35 ранети во нападот на аеродромот во Брисел

Актуелно

Најмалку 13 загинати и 35 ранети во нападот на аеродромот во Брисел

Белгиското обвинителство потврди дека 13 лица загинаа, а 35 се ранети во терористичкиот напад што се случи утринава на меѓунардониот аеродромот во Брисел, јави дописникот на МИА од Брисел.

Пред двете експлозии, што се случиле една по друга, на терминалот за полетување на аеродромот „Завентем“ во Брисел, се слушнале истрели и повици на арапски јазик.

Засега е потврдено дека нападот, што се случи во 8 часот, бил изврешен од бомбаш-самоубиец.

Поради двете експлозии, аеродромот, како и железничката станица во во него, се затворени.

По нападот на аеродромот „Завентем“, претпладнево се случи уште една експлозија во метро станицата Малбек во белгискиот главен град, во близина на зградата на Европската комисија и на Европскиот совет.

Белгиската телевизија ВТМ, јави дека во експлозијата загинале најмалку десет луѓе .

Според белгиската агенција Белга, која се повикува на полициски извори, регистрана е и експлозија во метро станицата Шуман, под зградата на Европската комисија.

Противпожарната единица на главниот град на Белгија ги потврди експлозиите што се случија утринава на аеродромот, како и на метро станицата на улицата Арт-Лоа, каде се наоѓаат и македонската амбасада во Белгија и Мисија на Република Македонија при Европската унија.

Експлозиите на „Завентем“ предизвикаа сериозна материјална штета на предниот дел на аеродромската зграда, кај влезот наспроти хотелот „Шератон“.

Сите приоди и излезни патишта кон бриселскиот аеродром се затворени, а полицијата детално го претресува секој автомобил и сомнителни лица.

Затворени се и аеродромите Антверпен, Остенд-Бриж и Кортрејк во фламанската провинција на Белгија, а не сообраќа ниту метрото во Брисел. Сите летови се пренасочуваат кон јужниот бриселски аеродром во градчето Шарлроа.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.