По македонската и српската, од понеделник забранета и црногорската и словенечката музика

Според информации кои ги пренесуваат медиумите, ЗАМП објави дека од 10 октомври (понеделник) е забрането и емитување на црногорска и словенечка музика на сите радио и телевизиски станици на територијата на Македонија на барање на организациите ПАМ од Црна Гора и САЗАС од Словенија.

– „Ве известуваме дека на седница на Управниот одбор на организациите ПАМ-Црна Гора и САЗАС-Словенија е одлучено да се забрани користење на нивниот музички репертоар на сите радио и телевизиски станици на територија на Република Македонија. Согласно известувањето оваа забрана стапува на сила почнувајки од 10.10.2016 година, а ЗАМП Македонија е овластена да ги преземе сите потребни мерки за спроведување на забраната и заштитата на правата на членовите на ПАМ и САЗАС. а врз основа на склучените мегусебни договори за реципроцитет“, соопшти ЗАМП.

Инаку, за потсетување, од 20 септември е забранета македонската музика, а од 1 октомври е забрането и емитување на српска музика низ македонските медиуми.