Стинг ги продаде правата за сите свои песни на Universal

Британскиот пејач Стинг (70) го продаде каталогот со неговите песни – вклучувајќи соло дела, како и хитови со групата Police, објави компанијата Universal Music Group.

Компанијата не ја откри финансиската страна на договорот, но американските медиуми проценуваат дека станува збор за сума од околу 250 милиони долари. Ги опфаќа сите дела на Стинг, вклучително и песни напишани за Police.

Universal веќе ги контролира правата на снимената музика на Стинг, се вели во соопштението на компанијата. Universal сега ќе ги добива сите идни приходи поврзани со авторските права на песните на Стинг и авторските права, за хитовите како „Every Breath You Take“ и „Fields of Gold“.

We are honored to expand our long and successful relationship with 17-time GRAMMY Award winner and global superstar Sting.

Learn More
↳ https://t.co/oRkSZm45tr pic.twitter.com/ltfmF77FxM

— Universal Music Group (@UMG) February 10, 2022

Во изјавата, 70-годишниот уметник роден во Велика Британија рече дека е „задоволен“ што одделот за издаваштво на Universal ќе управува со неговиот каталог, велејќи дека му е „апсолутно важно“ делата од неговата кариера да имаат дом каде што се вреднуваат и почитуваат не само за да се поврзе со долгогодишните фанови на нови начини, туку и да ги претстави неговите песни пред новата публика, музичари и генерации.

Ова е најновата продажба на музички права од висок профил, откако досега голем број големи уметници, вклучувајќи ги Боб Дилан и Брус Спрингстин, ги продадоа своите каталози за астрономски суми.