Поврзи се со нас
Маркетинг

Популарно.мк

Скопје домаќин на меѓународната конференција „Запознај, види, направи!“

Скопје

Скопје домаќин на меѓународната конференција „Запознај, види, направи!“

Маркетинг

Скопје домаќин на меѓународната конференција „Запознај, види, направи!“

Во Музејот на македонската борба се одржа седмата меѓународна конференција „Запознај, види, направи!“ (Meet, See, Do) на Балканската музејска мрежа. Во 14 испланирани сесии, 50 професионалци од земјава и од Велика Британија, Србија, Босна и Херцеговина, Хрватска, Албанија, Грција, Косово и Бугарија дискутираа на тема „За што се музеите? Назад кон основите!“.

– Конференцијата “Meet Se Do” е различна од сите други. Тоа е конференција на која се случуваат нови партнерства, каде се споделува вредно искуство, на која може многу да се научи, но и да се стекнат нови искрени пријателства. Имавме исклучителни предавачи кои со својата тесна специјалност од нивната работа, со или во музеите ни отворија нови видици, не инспирираа, споделија свои искуства и не вратија на основното прашање “За кого се музеите?” Сите стручни анализи потврдуваат дека музеите се важни чинители на општествениот живот, музеите имаат моќ да менуваат животи и да оставаат неизбришливи траги, истакна Даниела Николова, директорка на Музејот на македонската борба.

Клучните заклучоци од конференцијата доаѓаат од актуелните теми на предавањата кои опфатија прашања поврзани со дилемите: дали музеите се само туристички точки на картите или се провајдери на незаборавни искуства, се дебатираше на дијалозите и најдобрите пракси од регионот, епидемијата беше присутна како причина за заборав на музеите, предностите на дигиталното време, но и инклузивноста на музеите како општествен сервис, како спој меѓу минатото и сегашноста, во креирање на иднината.

Конференцијата беше во организација на Музејот и Балканската музејска мрежа, една од најважните регионални платформи којашто ги обединува музеите и професионалците кои работат во заштитата на културното наследство од балканскиот регион, а се реализира со поддршка на Министерството за култура како дел од Годишната програма, и со помош од Градот Скопје.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Скопје

Маркетинг
ДО ВРВ
error: Содржината е заштитена со авторски права.