fbpx
Поврзи се со нас
Маркетинг

Популарно.мк

Стартува скијачката сезона на Попова Шапка

Актуелно

Стартува скијачката сезона на Попова Шапка

Скијачката сезона на Попова Шапка почнува од утре, а традиционално, за сите посетители, скијањето на првиот ден е бесплатно.

Како што соопшти „ЕЛЕМ турс“, во изминатиот период спроведени се сите технички подготовки и активности за непречен почеток и тек на скијачката сезона, а во текот на вчерашниот ден заврши уредувањето и обележување на постојните патеки.

– Нашиот најголем скијачки центар е целосно екипиран за непречено и безбедно функционирање на ски-терените. Утрешното скијање започнува во 9 часот наутро, а во функција ќе бидат ставени двете жичници – „Церипашина“ и „Св.Илија“. Од 15 јануари ќе важат вообичаените цени за ски билети, стои во соопштението.

Дневниот билет, кој важи од 9 до 16 часот, ќе се продава по цена од 900 денари, полудневниот билет, кој важи од 12 до 16 часот, е 600 денари, а билетот за ноќно скијање, кој важи од 19 до 22 часот, ќе чини 500 денари. За младите скијачи до 12-годишна возраст билетот ќе чинат 400 денари, а цената на сезонскиот билет останува 10.000 денари.

Хотелските капацитети се подготвени за сместување на гостите. Во моментов на располагање се 120 легла во „Славија“ и 160 легла во „Попова Шапка“, велат од „ЕЛЕМ турс“.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.