„Демонско“ дете во авион (ВИДЕО)

Момче на возраст од три години цели осум часа, колку што трае летот од Германија до Њу Џерси, со својата палавост „ги забавуваше“ патниците и екипажот, а мајката само немо набљудуваше.

Снимката од летот на интернет ја објави уметникот Шејн Таунли, кој се наоѓал на летот. Тој однесувањето на момчето го нарече „демонско“, оти за време на целиот лет, тоа трчало по авионот, врескало, плачело и се качувало на седиштата и на патниците.

– Смири се, душичке, му вели мајката со смирен тон.

Таа и не се потрудила многу повеќе за да го смири својот „палавко“, а ни обидите на стјуардесите не вродија со плод, иако во речиси секоја прилика навистина се потрудиле да му удоволат.