Јети „фатен“ на камера во Русија (ВИДЕО)

На социјалните мрежи се шири нова видео снимка од митското суштество наречено јети.

Тоа се случило во руската провинција Башкирија, во планина која се наоѓа на 260 километри југоисточно од провинцискиот главен град Уфе.

Камера поставена во возило во движење случајно снимила како големо бело суштество минува преку патот завеан од снег.

Сопственикот на автомобилот Вадим Глиманов, го раскажа случајот за телевизијата ТВНЗ.

– Секако дека тоа може да е нечија шега или местенка, но кој би можел да трча така брзо среде ноќ?, прашува тој.

Зоологот Анатолиј Јаковлев пак, ги отфрла наводите дека на снимката се појавува популарниот „Бигфут“.

– Никогаш не е пронајдена ниту една коска од јети. Жал ми е, но нема никакви докази, рече експертот.