ВРСКАТА Е ОФИЦИЈАЛНА: Џеј Ло и Бен Афлек фотографирани на романтична вечера (ФОТО)
„Бенифер“ е интернет кованицата со која се опишува ново старата љубовна врска – Џенифер Лопез и Бен Афлек. Тие не се одделуваат ни на момент, а сега се фатени како разменуваат нежности.
Имено, актерот и латино дивата се повторно заедно 17 години по раскинувањето на веридбата и изгледаат заљубени повеќе од било кога.
Американската пејачка Џенифер Лопез (51) и актерот Бен Афлек (48) беа фотографирани додека одеа на романтична вечера во Лос Анџелес, а по тој повод не можеа да ги тргнат рацете еден од друг.
Иако првично „се обидоа“ да сокријат дека ја обновиле врската, овој пат се шетаа прегрнати, а во еден момент Џеј Ло слатко ја потпре главата на градите на Бен.
Фановите сепак се нетрпиливи да го видат моментот кога „Бенифер“ ќе го споделат својот прв бакнеж во јавноста.
За потсетување, парот прв пат беше забележан заедно пред неколку недели за време на одмор во Монтана, а после тоа поминаа една недела заедно во Мајами, каде беа фотографирани неколку пати на балконот во вилата што ја изнајмија само за нив двајца.
