Дејвид Гета во недела во Скопје: „Македонија, ќе биде навистина лудо!“

Една од најголемите глобални музички ѕвезди, Дејвид Гета, лично ги покани македонските фанови преку неговата официјална Фејсбук страница (над 55 милиони следачи), на фестивалот „Skopje Calling“ кој ќе се одржи во недела (05 јуни), во арената „Филип Втори“.

Нема поголема промоција за една мала држава како што е Македонија, од една од најголемите музички ѕвезди на денешницата како што е Дејвид Гета.

На најголемиот музички настан ова лето во Македонија, покрај Гета, ќе настапи германскиот суперстар диџеј Робин Шулц, како и големата светска музичка сензација Ера Истрефи.