Музика
Евровизија наместо во Ерусалим – во Тел Авив
Организаторите на Евровизија вчера соопштија дека следниот натпревар ќе се одржи во Тел Авив, а не во Ерусалим.
Како овогодишен победник на Евросонг, на Израел му припаѓа правото да биде домаќин за идната година. Владата на Израел првично сакаше свеченоста да се одржи во Ерусалим, но по контроверзното признавање на тој град како престолнина на Израел од страна на САД, властите се повлекоа од тие намери, пренесува Танјуг.
Организаторите сметаат дека Тел Авив е избран оти претставува „креативен и задоволувачки предлог”.
