Поврзи се со нас
Маркетинг

Популарно.мк

Андреа Коевска: Сакам да имам и најубаво тело на Евросонг, поспремна не сум била

МК Сцена

Андреа Коевска: Сакам да имам и најубаво тело на Евросонг, поспремна не сум била

Андреа Коевска: Сакам да имам и најубаво тело на Евросонг, поспремна не сум била

Победата на Андреа Коевска на македонскиот избор за Евросонг за многумина беше изненадување. Дури и таа вели дека сè уште не може да поверува дека песната Circles победи, па во мај ќе ѝ се исполни детскиот сон да пее на Евровизија во Торино.

„Никогаш не сум била поспремна во животот. Слушнав секакви коментари, ама се трудев да не ги читам негативните. На луѓето не им беше јасно како еден анонимец може да победи. И не им се лутам. Јас дури пред една година почнав посериозно да се занимавам со музика, моите песни се на англиски и се пуштаат на светски радио станици, ама не и кај нас, што ми е чудно“, ни раскажа Андреа во емисијата „Без маска“ на „Репортер“.

Не крие дека песната што ја направија заедно со Александар Масевски е за нејзина поранешна љубовна врска што многу ја повредила. „Ми требаше една и пол година да се опоравам, но музиката ми помогна да го надминам тој лош период“, ни кажа Коевска која пред неколку дена го прослави 22 роденден.

Мајка ѝ е лекар, а татко ѝ професор на правниот факултет, па не биле баш воодушевени кога решила музиката да ѝ стане професија. Но, денес ја има нивната безрезервна поддршка.

И додека нè водеше низ населбата Козле, каде што пораснала, ни раскажа за животот во Америка, каде што првпат слушнала госпел хор, но ни откри и како се чувствувала кога на 5 години била единственото бело дете во градинка во Харлем, Њујорк, каде што оделе само црнчиња.

Нè одведе и во кик-бокс студиото каде што вежба повеќе од една година. А спортот ѝ оди толку добро, што сака да се пријави и на натпревар.
„Јас сум борбена, но никогаш не ги решавам проблемите со насилство, туку решавам да заминам ако се најдам во непријатна ситуација. Внимавам што јадам, тренирам постојано и сакам да го имам најдоброто тело на Евровизија оваа година, или барем најдоброто тело што јас можам да го добијам со спортувањето“, рече таа и ни откри дека не носи често штикли, иако добро ѝ стојат.

Муабети има многу, од коментарите дека не требаше да победи на Евросонг, до тоа дали колегите ѝ честитаа откако слушнаа дека таа ќе пее во Торино. Во разговорот ни се приклучи и нејзиниот продуцент Масевски, кој вели: „Мојот совет за Андреа е кога ќе излезе на сцената да не пробува да се надмине себеси, така може да изгори. А јас верувам во песната и во нашиот успех“.

Дали се изненадила од победата, како пее во живо и зошто пее само на англиски, гледајте го интервјуто.

Прифатете ги statistics, marketing колачињата за да можете да ја видите содржината.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од МК Сцена

Маркетинг
ДО ВРВ
error: Содржината е заштитена со авторски права.
Please accept [renew_consent]%cookie_types[/renew_consent] cookies to watch this video.