Музика
Објавени се номинациите за Греми наградите за 2024 година
Објавени се номинациите за Греми наградите за 2024 година. Нив ги предводи Солана Имани Роу, попозната по псевдонимот SZA, која е номинирана во девет категории.
SZA освои најмногу номинации за нејзиниот албум „SOS“ и песните од него, покривајќи ги поп, рап и R&B категориите. Пејачката досега има освоено едно Греми од нејзините 14 претходни номинации. Таа се натпреварува во категоријата „композиција на годината“ со Били Ајлиш, Boygenius, Џон Батист, Мајли Сајрус, Оливија Родриго, Тејлор Свифт и Викторија Моне.
Викторија Моне е следна по број на номинации со седум, додека Џон Батист, Бренди Кларк, Boygenius, Мајли Сајрус, Били Ајлиш, Оливија Родриго и Тејлор Свифт имаат по шест номинации.
Тејлор Свифт потенцијално би можела да влезе во историјата на Греми ако ја освои наградата за „албум на годината“, што ќе ја направи првиот изведувач што некогаш победил во таа категорија четири пати. Свифт исто така со нејзината номинација за албум на годината за „Midnights“ го израмни рекордот на Барбра Стрејсенд за најмногу номинации од женски изведувач во таа категорија, со вкупно шест номинации. Исто така Свифт со нејзината номинација за „песна на годината“ влезе во историјата и стана првиот текстописец со седум номинации во категоријата.
Родриго, која претходно има освоено три Греми награди, запиша шест номинации за нејзиниот албум „GUTS“ и песната „Vampire“.
Албумот за филмот „Барби“, доби вкупно 12 номинации, песните од саундтракот ги сочинуваат четири од петте номинирани за најдобра песна за визуелни медиуми.
Номинирани надвор од светот на музиката се Мерил Стрип, Мишел Обама, Берни Сандерс и Дејв Шапел, за награди за аудио книги, раскажување приказни или комедија.
Оваа година има три нови категории: најдобра африканска музичка изведба, најдобар алтернативен џез албум и најдобра поп-денс-снимка.
На почетокот на оваа година, Бијонсе стана најнаградуваната уметница во историјата на Греми, освојувајќи четири награди на 65-тата церемонија и достигнувајќи го нејзиниот вкупен број од 32 награди.
Церемонијата на доделувањето на Греми наградите за 2024 година ќе се одржи во недела, 4 февруари 2024 година, во Crypto.com Арената во Лос Анџелес, а водителот допрва треба да биде објавен.
Номинираните во 4-те врвни категории може да се најдат подолу, а целосната листа од 94 категории може да ја погледнете овде.
Песна на годината
Billie Eilish – “What Was I Made For?”
Dua Lipa – “Dance the Night”
Jon Batiste – “Butterfly”
Lana Del Rey – “A&W”
Miley Cyrus – “Flowers”
Olivia Rodrigo – “Vampire”
SZA – “Kill Bill”
Taylor Swift – “Anti-Hero”
Албум на годината
Boygenius – “The Record”
Janelle Monáe – “The Age of Pleasure”
Jon Batiste – “World Music Radio”
Lana Del Rey – “Did You Know That There’s a Tunnel Under Ocean Blvd”
Miley Cyrus – “Endless Summer Vacation”
Olivia Rodrigo – “Guts”
SZA – “SOS”
Taylor Swift – “Midnights”
Композиција на годината
Billie Eilish – “What Was I Made For?”
Boygenius – “Not Strong Enough”
Jon Batiste – “Worship”
Miley Cyrus – “Flowers”
Olivia Rodrigo – “Vampire”
SZA – “Kill Bill”
Taylor Swift – “Anti-Hero”
Victoria Monét – “On My Mama”
Најдобар нов изведувач
Gracie Abrams
Fred Again..
Ice Spice
Jelly Roll
Noah Kahan
Victoria Monét
The War and Treaty
