Поврзи се со нас
Маркетинг

Популарно.мк

По 6 години по Калиопи, Лара ја отвора можноста да се слушне македонскиот јазик на Евровизија

Музика

По 6 години по Калиопи, Лара ја отвора можноста да се слушне македонскиот јазик на Евровизија

По 6 години по Калиопи, Лара ја отвора можноста да се слушне македонскиот јазик на Евровизија

Поминаа 6 години откако македонски претставник на Евровизија за последен пат се претстави и пееше на македонски јазик пред европската и светската јавност. Тоа беше Калиопи со македонската изведба на „Дона“ во склоп на Евровизија 2016.

Вчера, пејачката Лара Иванова ги изненади своите фанови и јавност со објавување на lyrics-видео на македонската, а воедно и оригинална верзија на песната “Flower of sorrow”, со којашто моментално се натпреварува во изборот на македонски претставник на Евровизија 2022. Македонскиот наслов на песната на Лара е „Цвеќе на тагата“, а видеото е достапно на официјалниот YouTube канал на Лара.

Прифатете ги statistics, marketing колачињата за да можете да ја видите содржината.

Видеото прикажува модерен пристап, со препознатлив стил најмногу кога се во прашање lyrics видеата на странските ѕвезди. Веќе се појавија голем број на коментари дека песната звучи уште подобро и помоќно кога е испеана на македонски јазик, како и дека истото овозможува доловување на автентичност на самата песна и пораката што се пренесува.

„Со македонската оригинална верзија на песната, сакав да покажам дека може да се пее и на повеќе од еден јазик, како и дека и јас умеам да пеам и на двата јазици, но дека сепак мајчиниот јазик ѝ дава душа на нашата музика. Истото за мене претставува посебна инспирација за интерпретација на емоциите во секоја моја песна. Не ми е примарна цел, но би сакала секако да победам на Евровизија, но пред сè најважно ми е да добијам шанса достоинствено да ја претставувам Македонија и македонскиот јазик и музика. Ако публиката ми ја даде поддршката и довербата преку глас на платформата на МТВ, по шест години по настапот на Калиопи, лично имам желба да го продолжам паузираниот тренд и да запеам повторно на македонски јазик пред цел свет и Европа, без разлика дали во склоп на целата песна или во комбинирана верзија. Заедно со тимот ќе го слушнеме гласот на публиката и ќе одлучиме околу финалниот настап, секако доколку бидам избрана,” изјави Лара.

Музиката на песната „Цвеќе на тагата“ (Flower of sorrow) е на Роберт Билбилов, а заедно со Дарко Димитров се вклучува и со заеднички аранжман. Текстот на песната е на Робин Зимбаков.

Гласањето за македонски претставник на Евровизија трае сè до 04.02.2022 година на следниот линк: https://evrovizija.mrt.com.mk/.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Музика

Маркетинг
ДО ВРВ
error: Содржината е заштитена со авторски права.
Please accept [renew_consent]%cookie_types[/renew_consent] cookies to watch this video.