ПЕРФЕКТ БЕНД: Ќе ја вратиме кај младите љубовта и почитта кон македонската народна музика

Момците од „Перфект бенд“ кои стануваат се повеќе синоним за одлични забави, најавуваат интересен старт на новата 2018 година.

Составена од млади, но искусни музичари, оваа група веќе одлично се пробива кај нас, а доказ за тоа се и нивните планови.

Тие најавуваат нова песна, но и нов проект, снимање на преработки на познати забавни и народни македонски песни.

– На почетокот од новата година сакаме да најавиме нов проект, односно прво промоција на песна, за која имаме во план да снимиме и спот, а потоа и преработки на неколку познати македонски забавни и народни песни. Не дека е наша, и не дека ќе ни е првенче, но мораме да кажеме дека очекувае песната да биде прифатена пред се кај младата публика, која се повеќе докажува дека знае да ужива со македонска народна песна, велат од бендот.

Наскоро ја очекуваме промоцијата на првенчето.