ЛЕТЕН ХИТ ВО НАЈАВА: Либеро бенд ја подготвуваат новата песна „Дел по дел“

Долги години опстојуваат на македонската музичка естрада. Од самиот почеток, па се до ден денес, тие се во истиот состав, а со својата уметност ги поместуваат стандардите за квалитетот на македонската музичка сцена.

Моменталната ситуација не ги обесхрабри и не ги спречи да направат нешто ново. И додека сите седат дома и чекаат да помине овој хаос, тие неуморно работат. Пред само еден месец објавија преработки на познати хитови од Балканот, а веднаш потоа се затворија во студио и снимија нова песна.

„Дел по дел“ е името на новата песна на „Либеро Бенд“, за која момците снимија и видео запис.

– Ова е само почеток на сето она што следи од „Либеро Бенд“. Моменталната ситуација со Ковид – 19 не не спречи да ги оствариме зацртаните цели. Сите од бендот имаме иста цел, исти идеи, желби и соништа и мислам дека токму тоа е она што не води напред. „Дел по дел“ е наше најново музичко остварување кое ќе го објавиме наскоро. – вели Иван, фронтменот на „Либеро Бенд“.

„Дел по дел“ ќе биде објавена овој месец, а ние веруваме дека ќе биде летен хит. И додека чекаме да ја објават песната, да се потсетиме на нивните преработки.