Кортни и Тревис планират интимна венчавка
Ријалити ѕвездата Кортни Кардашијан (42) и тапанарот Тревис Бејкер (46) веќе решија да одат чекор понатаму во својата врска по осум месеци забавување. Кардашијан го кажа своето „да“ во интимна атмосфера на една од плажите во Калифорнија, а се чини дека нивната венчавка ќе биде во тој поинтимен стил.
Три месеци откако ја објавија свршувачката, Кортни и Тревис сега планираат свадба. Иако многумина шпекулираа дека ќе биде во стилот на многу познати парови, со многу гости, се чини дека сепак ќе се одвива во поинтимна атмосфера со само неколку блиски пријатели и семејството.
