Мадона повторно во центарот на скандалот – провокативни фотографии ја разбеснија јавноста

Поп-иконата Мадона, која има 66 години, уште еднаш покажа зошто важи за мајстор на провокации.

Во најновата фотосесија за CR Fashion Book, пејачката позира во луксузна лимузина, облечена во црн корсет, црвен градник и проѕирни чорапи, со раширени нозе и пиштол во рацете.

На друга фотографија, таа е во елегантен црн фустан без ракави, наведната кон жена облечена како калуѓерка, како да ја бакнува. Понатаму, се појавува легната на гроб, опкружена со црвени рози и запалени свеќи.

Фотографиите предизвикаа бурни реакции, а многу фанови коментираа дека „овој пат навистина претерала“, додека други едноставно напишаа: „Дали е ова возможно?“

Инаку, Мадона неодамна ја шокираше јавноста со сатанистички ритуал, но и со возбудлива најава за нов албум. Веста ја сподели на својот Инстаграм профил, каде ја следат 20 милиони луѓе, откривајќи дека проектот ќе биде продолжение на нејзиниот култен албум Confessions on a Dance Floor од 2005 година.

„Мојот подарок за Денот на вљубените е да ви кажам дека ги вложувам моето срце и душа во новата музика и едвај чекам да ја споделам со вас“, напиша таа, додавајќи: „Исповеди, втор дел. Само не кажувај му на Ашер!“

Мадона откри дека на албумот работи со легендарниот продуцент Стјуарт Прајс:

„Овие неколку месеци беа вистинско уживање за мојата душа. Пишувањето песни и создавањето музика е едина област каде што не морам од никого да барам дозвола. Многу сум возбудена што ќе можам да го споделам ова со вас“.