Причината за смртта на Мишел Трахтенберг ќе остане непозната, семејството не дозволи обдукција

Причината за смртта на 39-годишната актерка Мишел Трахтенберг нема да биде утврдена.

Како што пренесува магазинот People, семејството на актерката се спротивставило на обдукцијата, оставајќи ја причината за нејзината смрт да се смета за „неутврдена“.

Поради барање на семејството, на лекарот му било дозволено само надворешно да го прегледа телото на Трахтенберг.

Патем, Трахтенберг имаше 39 години кога беше пронајдена мртва во нејзиниот стан на 26-ти февруари. Полицискиот оддел на Њујорк (NYPD) претходно потврди дека одговориле на итен повик тоа утро. Кога пристигнале, ја затекнале жената онесвестена и не реагирала. Трахтенберг била прогласена за мртва на местото на настанот.

Веднаш било констатирано дека „нема сомнение за кривично дело“.

Набргу по објавувањето на веста за нејзината смрт, медиумите открија дека таа неодамна била подложена на трансплантација на црн дроб и дека можеби имала компликации.