Меган Фокс и Машин Ган Кели наводно раскинале: Актерката го избриша својот Инстаграм откако навести за нивното разделување

Актерката Меган Фокс (36) со своите потези на Инстаграм, ги подгреа шпекулациите дека таа и вереникот Машин Ган Кели (32) раскинале .

Најпрво Меган ги избриша повеќето фотографии со својот вереник, а потоа и престана да го следи на социјалната мрежа.

Таа објави неколку провокативни фотографии од себе цитирајќи стихови од песна на Бијонсе од нејзиниот албум  „Lemonade“.

-Можеш да ја вкусиш неискреноста, ја има во твојот здив (You can taste the dishonesty/ it’s all over your breath)– напишала таа во описот на објавата.

Megan Fox deletes photos with Machine Gun Kelly from her Instagram and posts a video of a letter burning captioned with lyrics from Beyoncé’s ‘Lemonade’ track “Pray You Catch Me.” pic.twitter.com/MirUuBfvm4

— Pop Crave (@PopCrave) February 12, 2023

На една од фотографиите, Меган позира до постер за семејно насилство, а според некои ова е знак дека и самата била жртва.

Таа снимила и видео, кое го споделила со своите следбеници, во кое пали писмо. Многумина веруваат дека тоа е писмо напишано од нејзиниот вереник. По објавата и откако го избриша својот вереник од Инстаграм, таа ги заследи Хари Стајлс, Тимоти Шаламе и Еминем, со кого Машин Ган Кели веќе неколку години е во лоши односи.

Меѓу бројните коментари на објавата, се најде и еден кој гласеше: „Тој најверојатно имал нешто со Софи“, алудирајќи на гитаристката од неговата група, Софи Лојд. На тоа Фокс одговори: „Можеби јас имам нешто со Софи“.

Она што најмногу ја изненади јавноста е тоа што актерката го деактивираше својот Инстаграм профил по мистериозната објава.

Megan Fox has deleted every mgk pic off her ig, quoting Beyoncé’s song about jay cheating, burning his letters and decided to just follow Harry Styles, Timothée Chalamet and Eminem to rub it right in mgk’s face. The world is healing… pic.twitter.com/eKdgfeaS7R

— priscilla (@cinemazietgeist) February 12, 2023

Двојката последен пат беше видена заедно на забавата на Дрејк пред Супер Боул само неколку часа пред нејзините објави. Токму затоа многумина веруваат дека музичарот ја изневерил актерката.

Меган и Машин Ган Кели се во врска од 2020 година, а се верија минатата година. Тие наводно се заљубиле на прв поглед за време на снимањето на филмот „Midnight in the Switchgrass“, по што таа поднела барање за развод од Брајан Остин Грин, со кој има три деца.